უმრავლესობას სურს საკონსტიტუციო სასამართლო იმპოტენტი ორგანო გახადოს

უმრავლესობას სურს საკონსტიტუციო სასამართლო იმპოტენტი ორგანო გახადოს - გიორგი ვაშაძე

პოლიტიკა - 16:21, 13 Apr, 2016

1366

"ერთიანი ნაციონალური მოძრაობის" დეპუტატ გიორგი ვაშაძის განცხადებით, საკონსტიტუციო სასამართლოს კანონის ცვლილებით უმრავლესობა მის პოლიტიკურ დაქვემდებარებას ცდილობს.

"ვფიქრობ, რომ ზალიან მნიშნველოვანი ინიციატივაა, რადგან კიდევ ერთი ძალიან მნიშვნელოვანი ინსტიტუციის ბედს ეხება. საკონსტიტუციო სასამართლო ესაა გარანტი იმის, რომ საქართველოს კონსიტუტცია დაცული იქნება. ნებისმიერი ქვეყანაში, რომელსაც აქვს საკონსტიტუციო სასამართლო, მას გადამწყვეტი როლი აქვს, რომ კანონის უზენაესობასთან დაკავშირებით.

დღეს ჩვენ საგანგაშო სიტუაციაში ვართ, რადგან უმრავლესობას ამ ინიციატივით კიდევ ერთი ინსტიტუციის განადგურება უნდა. რომ საკონსტიტუციო სასამართლო იმპოტენტი ორგანო გახადოთ და შეუძლებელი იყოს მის მიერ გადაწყვეტილების მიღება. თქვენ ეს გინდათ, რადგან ამბობთ - თუ ყველა მოსამართლემ, რომელიც საქმეს იხილავდა გადაწყვეტილებას ხელი არ მოაწერა, ეს გადაწყვეტილება ძალასი არ შედის. ეს ნიშნავს, რომ ნებისმიერ 1 მოსამართლეს 9 მოსამართლიდან ვეტოს უფლება აქვს. ამით თქვენ ქმნით სასამართლო სისტემას, რომელიც გსურთ რომ პოლიტიკურ წნეხში გყავდეთ."

"ერთიანი ნაციონალური მოძრაობის" დეპუტატ სერგო რატიანის განცხადებით, საპარლამენტო უმრავლესობის გადაწყვეტილება, შეიცვალოს საკონსტიტუციო სასამართლოს კანონი, მათი და მთავრობის არაერთი მარცხითაა განპირობებული.

"ჩვენ ვიხილავთ საკონსტიტუციო სასამართლო კანონს, რომლის შეცვლაც უმრავლესობამ გადაწყვიტა. სექტემბრიდან უმრავლესობამ 2-ჯერ პოლიტიკური მარცხი განიცადა, რადგან სამართლებრივი ბრძოლა წააგო - საკონტიტუციო სასამართლოდ დაადასტურა, რომ გიგი უგულავას პატიმრობა არაკონსტიტუციური იყო და ის 1 დღით მაინც გათავისუფლდა. ეს იყო სერიოზული ნიშანი იმისა, რომ უმრავლესობა და მთავრობა არასწორი გზით მიდის.

მეორე ასეთი მარცხი დაკავშირებული იყო იმასთან, რომ ტელეკომპანია "რუსთავი 2"-ის დახურვა ვერ მოახერხეთ. მაშინ გვაბრალებდით, რომ რევოლუციურ სცენარს ვამზადებდით, მაგრამ არა! ჩვენ მშვიდად, სამართლებრივად დაგამარცხეთ. " - აცხადებს რატიანი.