საქართველოს პარლამენტის თავმჯდომარე, დავით უსუფაშვილი NDI-ს კვლევების შედეგებს ეხმაურება. საკანონმდებლო უწყების ხელმძღვანელის განცხადებით, რეალური შედეგები საპარლამენტო არჩევნების შემდეგ იქნება ცნობილია:

„რას ამბობს ქართველი ხალხი პარლამენტზე, ეს გამოჩნდება საპარლამენტო არჩევნების დროს. საპარლამენტო არჩევნებში მოსახლეობის მონაწილეობის მაჩვენებელი, არის ერთ-ერთი ყველაზე უფრო მაღალი მსოფლიო საპარლამენტო არჩევნებს შორის. რაც შეეხება იმას, ვინ არის კმაყოფილი და ვინ არ არის კმაყოფილი თავისი არჩევანით, თავისი მაჟორიტარით თუ მის მიერ არცეული პოლიტიკური პარტიით, მოდის არჩევნები და შეუძლიათ გააკეთონ დაფიქრებული და მათთვის მისაღები არჩევანი“, - განაცხადა დავით უსუფაშვილმა.