გამოკითხულთა ნახევარზე მეტს პარლამენტში გენდერული კვოტის შემოღება მნიშვნელოვნად მიაჩნია- NDI

პოლიტიკა - 12:39, 13 Apr, 2016

1219

ეროვნულ-დემოკრატიული ინსტიტუტის კვლევის თანახმად, გამოკითხულთა 12% თვლის, რომ პარლამენტში დეპუტატთა საუკეთესო გადანაწილება იქნებოდ 10% ქალი, 90% კაცი, 31% თვლის რომ პარლამენტში 70% კაცი უნდა იყოს და 30% ქალი, 50/50 ზე გადანაწილების მომხრეა გამოკითხულთა 36 %, 1 %-ის აზრით პარლამენტში 90% ქალი უნდა იყოს და მხოლოდ 10% უნდა იყოს მამაკაცი. ამასთანავე ქალების და მამაკაცების თანაბარ რაოდენობას პარლამენტში გამოკითხულთა 28% კაცი და 44% ქალი უჭერს მხარს . და მათი უმრავლესობა „თავისუფალი დემოკრატების“ მხარდამჭერია.

გენდერული კვოტის შემოღებას ძალიან მნიშვნელოვნად მიიჩნევს გამოკითხულთა 9 %. მნიშვნელოვნად მიაჩნია 45%, უმნიშვნელოა 25%-სთვის და სრულიად უმნიშვნელოდ მიაჩნია 9%, კითხვაზე პასუხი არ აქვს 12 %-ს. ამასთან იმ ადამიანების შეხედულებებთან, რომლებიც გენდერულ კვოტირებას მნიშვნელოვნად მიიჩნევენ, ყველაზე ახლოს მდგომი პარტია 54%-სთვის ქართული ოცნებაა, 56%-სთვის ენმ, 57%-სთვის „ თავისუფალი დემოკრატები“, უმნიშვნელოა შეხედულებებით ქართულ ოცნებასთან ახლოს მდგომი 35%-სთვის, ენმ-ს თანამოაზრეთა 33%-სთვის, და თავდემების 35%-სთვის.

გამოკითხვა 2016 წლის 23 თებერვლიდან - 14 მარტის პერიოდში, საქართველოს მასშტაბით 3,900 პირისპირ ინტერვიუს წარმომადგენობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა. კვლევაში საშუალო ცდომილების ზღვარი არის +/- 1,6%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს CRRC-საქართველო.