"თავისუფალი დემოკრატების" მიმართ ნეგატიური დამოკიდებულება არ არსებობს

"თავისუფალი დემოკრატების" მიმართ ნეგატიური დამოკიდებულება არ არსებობს - აბაშიძე NDI-ის კვლევაზე

პოლიტიკა - 12:29, 13 Apr, 2016

1539

"თავისუფალი დემოკრატების" ერთ-ერთი ლიდერი ზურაბ აბაშიძე დარწუნებულია, რომ ამომრჩეველთა 61 პროცენტიდან, რომელსაც არ აქვს გადაწყვეტილი, თუ ვის მისცემს ხმას, არჩევნებზე გადაწყვეტილებას სწორედ ალასანიას გუნდის სასიკეთოდ გააკეთებს.

როგორც აბაშიძემ "ნიუპოსტს" NDI-ის დღეს გამოქვეყნებული კვლევის კომენტირებისას განუცხადა, "თავისუფალი დემოკრატების" მაჩვენებელი მზარდია.

"სხვა პოლიტიკური ძალებისგან განსხვავებით, თავისუფალი დემოკრატები ყველაზე მზარდად გამოიყურებიან. მეორე არჩევანსაც თუ მიაქცევდით ყურადღებას ყველაზე მაღალი მაჩვენებელი აქაც ჩვენ პარტიას აქვს. ასევე ძალიან საინტერესოა შეკითხვა - რომელ პოლიტიკურ პარტიას არასდროს დაუჭერდით მხარს, სადაც ჩამონათვალში ყველა პარტია გარდა თავისუფალი დემოკრატებისა. გამოკითხვის მიხედვით ნეგატიური დამოკიდებულება "თავისუფალი დემოკრატების" მისამართით არ არსებობს საზოგადოებაში. გამომდინარე აქიდან თავისუფალ დემოკრატებს აქვთ შესაძლებლობა, რომ ის ამომრჩეველი (61 პროცენტი) მოვიზიდოთ, ვისაც გადაწყვეტილი არ აქვს თუ ვის მისცემს ხმას არჩევნებზე"- აღნიშნა "ნიუპოსტთან" აბაშიძემ.

მისი თქმით, ის იმედგაცრუება, რომლიც საზოგადოებაში "ქართული ოცნებამ" დაიმსახურა NDI-ის კვლევაში აისახა.

”ეროვნულ-დემოკრატიული ინსტიტუტის” კვლევის შედეგები დღეს გამოქვეყნდდა. ცნობისთვის, საქართველოს მასშტაბით კვლევის საველე სამუშაოები 23 თებერვლიდან 14 მარტამდე პერიოდში ჩატარდა. გამოკითხვაში მონაწილეობა 3 900 - მა პირმა პირისპირ ინტერვიუს წარმომადგელობითი შერჩევის საფუძველზე მიიღო.

კვლევის თანახმად, ამომრჩეველთა 61 პროცენტს არ აქვს გადაწყვეტილი, თუ ვის მისცემს ხმას არჩევნებზე. 34 პროცენტი კი ამბობს, რომ არჩევნებში მიიღებს მონაწილეობას.

გამოკითხულთა 29 პროცენტი აცხადებს, რომ არცერთი პარტია არ დგას მის შეხედულებებთან ახლოს. 16 პროცენტის თქმით, მათ შეხედულებებთან ახლოს დგას ქართული ოცნება, 15 პროცენტისთვის - ნაციონალური მოძრაობა, 9 პროცენტისთვის - თავისუფალ დემოკრატები, 5 პროცენტისთვის - ლეიბორისტული პარტია, 5 პროცენტისთვის - პატრიოტთა ალიანსი.