,,არ გამოვრიცხავ საარჩევნოდ საქართველოში პრორუსული პარტიები გაძლიერდნენ“

,,არ გამოვრიცხავ საარჩევნოდ საქართველოში პრორუსული პარტიები გაძლიერდნენ“ - ნეით შენკანი

პოლიტიკა - 11:38, 13 Apr, 2016

926

საქართველოში პრორუსული პარტიების პოზიციების გაძლიერების შესაძლებლობაზე საუბრობს Freedom House - ს წარმომადგენელი. პროექტის ხელმძღვანელის შეფასებით, ამის შესაძლებლობა მთავარი პარტიებით იმედგაცრუების ფონზე არსებობს. მისივე თქმით, მნიშვნელოვანია არ დაიკარგოს იმ რეფორმების მიერ მიცემული ბიძგი, რომელიც საქართველოში თითქმის ათწლეულია გრძელდება.

მისივე განცხადებით, იყო საშიშროება რომ დაწყებულიყო საქართველოს უკუსვლა, თუმცა, ეს არ მომხდარა.

„საქართველოსთვის ძალიან მნიშვნელოვანია, რომ რეფორმების მიერ მიცემული ბიძგი, რომელიც ათწლეულია გრძელდება. იყო საშიშროება, რომ ხელისუფლების ცვლასთან, პოლიტიკურ პოლარიზაციასთან ერთად, საქართველო სწრაფად დაიწყებდა უკუსვლას. გულახდილად რომ გითხრათ, ვფიქრობ, რომ ეს არ მომხდარა. საფრთხე ყოველთვის არსებობს, განსაკუთრებით ეკონომიკური სირთულეების მხრივ. არსებობს პრობლემები რეგიონებში, პოტენციური ომის საფრთხე, მაგრამ მნიშვნელოვანი ისაა, რომ საქართველო რეფორმების იმპულსს ინარჩუნებს. გვჯერა, რომ საქართველოს მოსახლეობის უმრავლესობა პროევროპული და პროატლანტიკური კურსის მომხრეა, ევროპის სხვა ქვეყნებშიც გვინახავს, როდესაც მთავარი პოლიტიკური პარტიებით იმედგაცრუება არსებობს, შესაძლოა გაძლიერდეს ისეთი შეხედულებები, რომლებიც მთავარ პოლიტიკურ შეხედულებებს არ ემთხვევა. საქართველოს შემთხვევაში ეს შეიძლება პრორუსული პარტიები იყოს.

არ გამოვრიცხავ, რომ საარჩევნოდ ეს პარტიები გაძლიერდნენ. არ ველი, რომ ისინი იქნებიან უმრავლესობაში, მაგრამ მოსალოდნელია მათი პოზიციის გამყარება“, - განაცხადა ნეით შენკანიმ.