ეროვნულ-დემოკრატიული ინსტიტუტის კვლევის თანახმად კითხვაზე “ხვალ რომ არჩევნები იყოს, გადაწყვეტილი გაქვთ თუ არა ვის მისცემთ ხმას”, მოსახლეობის უმრავლესობა 61% ამბობს, რომ კვლავ არ აქვს გადაწყვეტილი თუ რომელ პოლიტიკურ პარტიას დაუჭერს მხარს; მათ შორის გადაუწყვეტელია იმ ამომრჩევლების ნახევარიც, რომლებიც სავარაუდოდ მიიღებდნენ არჩევნებში მონაწილეობას.

რესპონდენტების 16 %-მა ქართული ოცნება-დემოკრატიული საქართველო დაასახელა როგორც მათ შეხედულებებთან ყველაზე ახლოს მდგომი პარტია, 15 % ერთიან ნაციონალურ მოძრაობას ემხრობა, 9% - თავისუფალ დემოკრატებს, 5 % - ლეიბორისტულ პარტიას, 5% კი - საქართველოს პატრიოტთა ალიანსს. ხვალ რომ საპარლამენტო არჩევნები ტარდებოდეს, 15% კოალიცია ქართულ ოცნებას მისცემდა ხმას, 13 % - ერთიან ნაციონალურ მოძრაობას, 6% -თავისუფალ დემოკრატებს, 4 % - ლეიბორისტულ პარტიას და 3 % კი - საქართველოს პატრიოტთა ალიანსს.