შესაძლო ვადამდელი არჩევნები უკრაინაში და სააკაშვილის პოლიტიკური შანსები

პოლიტიკა - 22:37, 12 Apr, 2016

2315

ოდესისი გუბერნატორის მიხეილ სააკაშვილის განცახდებით, მის გარშემო შემოკრებილ ხალხს ნებისმიერ არჩევნებში გამარჯვების შანსი აქვს. ამის შესახებ საქართველოს ყოფილმა პრეზიდენტმა გადაცემა „არჩევანის“ პირდაპირ ეთერში ისაუბრა:

„ვადამდელი არჩევნების ალბათობა ძალიან მაღალია, თითქმის გარდაუვალი. დღეს ის ხალხი ვინც არის შეკრებილი ჩემს გარშემო, აქვთ შანსი ნებისმიერი არჩევნები უკრაინაში მოიგონ, ეს იციან ოლიგარქებმა და მთელი მათი პროპაგანდა მომართულია ჩემს წინააღმდეგ. ერთი სცენარით მიდის გადაცემა მოსკოვზე, კიევის ოლიგარქიულ არხებზე და.აშ. მაგრამ საბოლოო ჯამში ვერაფერი ვერ გამოსდით, ჩვენ გვაქვს ხალხის მხარდაჭერა. იუშენკოს შემდეგ, ასეთი მხარდაჭერა აქვთ ამ რეფორმატორების გუნდს, ამიტომ მე არ მივისწრაფი იმისკენ, რომ მე დავიკავო რაღაც თანამდებობა, მე მინდა ხელი შევუწყო ახალგაზრდა რეფორმატორების გამოჩენას ასპარეზზე. უკრაინა წყვეტს მთელი პოსტსაბჭოთა რეგიონის ბედს, თუ მან გაატარა რეფორმები პუტინის საქმე დამთავრბულია და საქართველოს საქმეც გამოსწორდება. მე გამიჩნდა ისტორიული შანსი ამ დიდი ბრძოლის წარმატებით წაყვანის, მე არ ვაპირებ ვიღაცისთვისკოჭის გაგორებას“, - განაცხადა სააკაშვილმა.

მისივე თქმით მათი მსაჯული უკრაინელი ხალხია:

„მე პოროშნკოსთან მაქვს მეგობრული ურთირთობა, ეს არის ათწლეულების ურთიერთობა. ხალხი, განსხვაბებით საქართელოსგან ბევრად ცივილიზებული პოლიტიკური ურთიერთობები არსებობს. რა თქმა უნდა არსებობს პრინციპები, ამაზე ღიად ვსაუბრობთ, ჩვენი მსაჯული არის უკრაინელი ხალხი. ჩვენ გვინდა, რომ ეს ერი დავაყენოთ ფეხზე“, - აღნიშნავს ოდესის გუბერნატორი.

სააკაშვილი სხვა ოპოზიციურ პარტიებთან შესაძლო თანამშრომლობაზეც საუბრობს და აცხადებს, რომ მისი ოპოზიციურ სექტორში გადასვლის შესახებ გადაწყვეტილება რამდენიმე დღეში იქნება მიღებული:

„ჩვენ ჯერპარტია არ შეგვიქმნია, ესენი არიან ახლგაზრდა რეფორმატორები და აქ შედიან პრეზიდენტის პარტიის წევრებიც. არიან სხვადასხვა პარტიის წარმომადგენლები. უახლოეს დღეებში გადაწყდება, ყველაფერი შეიძლება მოხდეს, მე მაქვს პრეზიდენტთან ინტენსიური დიალგი ამ თემებზე, მე მაქვს დიდი მხარდაჭერა, მაგრამ ეს მინდა გამოვიყენო ამ ქვეყნის საკეთილდღეოდ“, - განმარტავს საქართველოს ყოფილი პრეზიდენტი.