მსახიობი სოფო სებისკვერაძე ფეისბუკის პირად გვერდზე სტატუსს აქვეყნებს, რომელიც ჩვენს ქვეყანაში მიმდინარე მოვლენებს უკავშირდება. ამასთან დაკავშირებით კი მსახიობი საკუთარ მოსაზრებას აფიქსირებს.

„მხოლოდ საქართველოში თუ ნახავ მორწმუნე, რელიგიურ მეძავებს. მდიდარ მღვდელს, მშიერ მრევლს. დღისით ნისიად გაცემულ პროდუქტებს, ღამით სცენაზე რობი ვილიამს. კაი ბიჭის დებს. გაკერილ საქალწულე აპკებს. შარდით შევსებულ ბიუჯეტს. ემიგრანტ დედების ხარჯზე მცხოვრებ შვილებს. ღამის კლუბებში არასრულწლოვანებს. მართმადიდებელ მშობელთა კავშირს. ზღვაში მოცურავე ხეს. ფარულად გადაღებულ სექსებს. სექსუალური ძალადობით შევიწროვებულ თანამშრომლებს. ჯიპების ჯოგს ფეხით სავალ ბილიკზე. ლიმონის და ყვავილების გამყიდველ მშიერ მოხუცებს. ცარიელ სოფლებს. მშობლების შიშით დაკომპლექსებულ თაობებს და აღარ გავაგრძელებ... არ განვიკითხავ, არც სარკაზმით ვამბობ არც ვატრაკებ... უბრალოდ მართლა არაფერი იცვლება გარდა იმისა, რომ ამას ადრე ჩემს დღიურში ჩავწერდი. ახლა აიფოუნით ვწერ და თქვენ გიზიარებთ ჩემს აზრს. ხოდა მინდა ტექსტი შეიცვალოს და არა მხოლოდ ტექნიკა... ხოდა ჩვენ შეგვიძლია ეს ყველაფერი და ნუ ველოდებით სხვას. გოდო არ მოვა რა...“