ეს ხელისუფლებისთვის პოლიტიკური განაჩენია, რომელიც სისრულეში არჩევნებზე იქნება მოყვანილი- ბოკერია NDI-ის კვლევაზე

პოლიტიკა - 19:06, 11 Apr, 2016

1647

ერთიანი ნაციონალური მოძრაობის საგარეო ურთიერთობათა მდივანი NDI-ის მიერ გამოქვეყნებულ კვლევის შედეგებს გამოეხმაურა. გიგა ბოკერიას შეფასებით, კვლევა ასახავს იმ უმძიმეს ვითარებას, რომელშიც ქვეყანა ივანიშვილის რეჟიმმა შეიყვანა. ბოკერიას თქმით კვლევის შედეგები ივანიშვილის რეჟიმის განაჩენია, რომელიც სისრულეში ოქტომბრის არჩევნებზე იქნება მოყვანილი:

„NDI-ის კვლევა, როგორც ყოველთვის, ასახავს იმ უმძიმეს ვითარებას, რომელშიც შეიყვანა ქვეყანა ივანიშვილის რეჟიმმა, მისმა პოლიტიკურმა მარიონეტებმა და თვითონ ივანიშვილმა პირველ რიგში. ისტორიულად დაბალი ციფრებია ქვეყნის მომავლის რწმენის, ისტორიულად დაბალი ციფრებია იმ ადამიანების, ვინც თვლის, რომ ქვეყანა სწორი მიმართულებით მიდის, გაზრდილია სიღარიბე, ფასების ზრდა, უმუშევრობა. ეს ყველაფერი ეკონომიკური ზრდის შენელების ფონზე, არის ისტორიულად კატასტროფული მონაცემები, ისტორიულად კატასტროფულია რეალობა ჩვენი ქვეყნის და ამიტომაა სწორედ საკვანძო, რომ ის ხალხი, ვინც ამ მდგომარეობამდე მიგვიყვანა, ოქტომბერში არჩევნების გზით ჩამოვაშოროთ ხელისუფლებას და დავიწყოთ ქვეყნის გამოყვანა ამ ვითარებიდან, რომელშიც თვითონ ივანიშვილმა შეიყვანა ის. არჩევნებამდე ხუთი თვით ადრე ეს არის პოლიტიკური განაჩენი, აბსოლუტურად დამსახურებული განაჩენი და ეს განაჩენი პოლიტიკურად, არჩევნების გზით და მშვიდობიანად სისრულეში უნდა იქნეს მოყვანილი ოქტომბრის არჩევნებზე.“- განაცხადა გიგა ბოკერიამ.