რაზე ისაუბრეს დახურულ შეხვედრაზე - პრემიერ-მინისტრის კომენტარი

პოლიტიკა - 17:50, 09 Apr, 2016

1793

პარლამენტში დახურულ კარს მიღმა გამართულ თათბირთან დაკავშირებით, კომენტარი საქართველოს პრემიერ-მინისტრმა გიორგი კვირიკაშვილმა გააკეთა. მისი თქმით შეხვედრაზე განხილვის თემა, საკანონმდებლო ინიციატივები იყო

„განხილვის თემა იყო საკანონმდებლო ინიციატივები, რომელიც ნაწილი უკვე გაგზავნილია მთავრობის მხრიდან. ნაწილი მომავალ დღეებში უნდა შევიდეს, ამ ნაწილში საჭიროა კორდინაცია. მიუხედავად იმისა რომ კოალიციაში შეიძლება იყოს ცვლილებები იმ კუთხით, რომ საარჩევნო პერიოდში გადაწყვეტილებებს ღებულობენ პარტიები, მაინც ვფიქრობ, რომ გარკვეული კოორდინაცია საჭირო იქნება და ამაზე იყო საუბარი“- განაცხადა გიორგი კვირიკაშვილმა.

პრემიერის თქმით არჩევნების და საარჩევნო კამპანიის დაწყების თარიღთან დაკავშირებით კონსულტაციები გრძელდება და ის გადაწყვეტილებას ამ კონსულტაციების დასრულებსი შემდეგ მოაწერს ხელს:

„ჩვენ ტექნიკურ და იურიდიული სახის დეტალებზე კონსულტაციებს გავდივართ, ამაში არაფერი განსაკუთრებული არ ხდება, ეს არის პოლიტიკური გადაწყვეტილება, რომ არჩევნები 8 ოქტომბერს ჩატარდეს. როდის გამოქვეყნდება ეს გადაწყვეტილება ამაზე ვისაუბრებთ და მივიღებთ გადაწყვეტილებას“- აღნიშნა პრემიერმა.