საქართველოს პრემიერ-მინისტრის არგუმენტებს, საპარლამენტო არჩევნების თარიღთან დაკავშირებით „ნაციონალური მოძრაობის“ ერთ-ერთი ლიდერი, დავით ბაქრაძე ეხმაურება.

მისი თქმით პარტია „ქართულმა ოცნებამ“ საბოლოოდ დაკარგა ხალხის მხარდაჭერის იმედი:

„მთავრობა, რომელიც ასეულობით მილიონს ხარჯვას საკუთარ პრემიებზე და დანამატებზე, მთავრობა, რომელმაც გუშინ გამოყო 30 მილიონი საქართველოში კონცერტების ჩასატარებლად, დღეს გვიმტკიცებს, რომ მას არ შეუძლია რამდენიმე მილიონი გამოყოს საქართველოში დემოკრატიული საარჩევნო გარემოს შესაქმნელად. ეს ნიშნავს ერთს, რომ ქართულმა ოცნებამ საბოლოოდ დაკარგა ხალხის მხარდაჭერის იმედი და ისინი აპირებენ მხოლოდ ადმინისტრაციული რესურსის ხარჯზე არჩევნების მოგებას,“ - განაცხადა დავით ბაქრაძემ.