აჭარის უმაღლესი საბჭოს სხდომას დღეს პროტესტის ნიშნად „ნაციონალური მოძრაობის“ დეპუტატები არ დაესწრებიან. სხდომაზე აჭარის უმაღლესი საბჭოს კომისიის თავმჯდომარე უნდა აირჩიონ. ამ თანამდებობაზე დავით კვაჭაძეა წარდგენილი, რომელსაც მესამედ უყრიან კენჭს. წინა ორ შემთხვევაში მისი კანდიდატურა ოპოზიციამ ჩააგდო.

კვაჭაძემ თუ მესამედაც ვერ დააგროვა საკმარისი ხმები, ამ თანამდებობაზე სხვა კანდიდატურის წარდგენა მოუწევს აჭარის მთავრობის ხელმძღვანელს.

არჩილ ხაბაძე დღეს უმაღლესი საბჭოს დეპუტატებს კომისიის მეოთხე კანდიდატს წარუდგენს. ოპოზიცია კვაჭაძის მსგავსად არც მამუკა ჯაშის მხარდაჭერას გეგმავს, მიზეზი მისი პოლიტიკური წარსული და ნათესაური კავშირებია.