საპარლამენტო არჩევნების თარიღი არ შეიცვლება, მაგრამ შეიცვლება თუ არა საარჩევნო კამპანიის დაწყების თარიღი, პრემიერ-მინისტრი არ აკონკრეტებს. ამ საკითხზე მსჯელობით დაიწყო დღევანდელი მთავრობის სხდომა კანცელარიაში.

გიორგი კვირიკაშვილის განცხადებით, ქვეყანა თვეების განმავლობაში არ უნდა იყოს წინასაარჩევნო კამპანიის რეჟიმში.

„არავისთვის არ იქნება ცუდი, რომ წინასწარ დაგეგმოს გარკვეული აქტივობები დღეიდან, მათ შორის სტუმრებს სჭირდებათ, რომ დაგეგმონ საკუთარი კალენდარი, ის, რომ წინასწარ ვიცოდეთ, როდის იქნება არჩევნები, ამაში კარგის მეტი არაფერი არ არის.

ტექიკურ საკითხებს რაც შეეხება, გამოქვეყნების შემდეგ ეს არის კამპანიის დაწყების საკითხი, ფინანსური საკითხები და ის, რომ ჩვენ არ გვაქვს იმის ფუფუნება, დამატებით 7-8 მილიონი ლარი გადავიხადოთ იმისათვის, რომ დღეიდან ჩავრთოთ ეს მრიცხველი, არავისთვის არ უნდა იწვევდეს კითხვის ნიშანს, არ შეიძლება ქვეყანამ 7-8 თვე იცხოვროს წინასაარჩევნო რეჟიმში, ამიტომ, ეს არის ძალიან ჩვეულებრივი საკითხები, აქ არავითარი ველი დამატებითი არ არსებობს, ეს არის პოლიტიკური გადაწყვეტილება, წინასწარ გამოცხადებული, არჩევნები იქნება 8 ოქტომბერს, ამ თარიღის შეცვლას არ ვაპირებთ და მსურს, რომ ამ კომენტარით ამ საკითხს წერტილი დაესვას“, - განაცხადა გიორგი კვირიკაშვილმა.