„ნუ შემაწუხებთ შალვა რამიშვილის ამბავთან დაკავშირებით“- რაზე არ საუბრობს სახალხოდ მარგო ლუჩკო

სოც.მედია - 10:19, 08 Apr, 2016

10936

ცნობილია, რომ მარგო ლუჩკო გარკვეული პერიოდი მუშაობდა შალვა რამიშვილთან, რომელმაც გადაცემა დატოვა. სწორედ მას შემდეგ გამოჩნდა „ტასო ბარნოვაც“. შალვა რამიშვილის ირგვლივ ატეხილ სკანდალთან დაკავშირებით, როგორც ჩანს მედია მარგოს გადაცემიდან წასვლის მიზეზითაც დაინტერესდა, რასთან დაკავშირებითაც იგი ფეისბუკის პირად გვერდზე ჟურნალისტებისთვის მიმართვას ავრცელებს.„მასმედიის საყურადღებოდ, რომლებსაც მე უდიდეს პატივს ვცემ!!!
ძალიან გთხოვთ ნუ შემაწუხებთ შალვა რამიშვილის ირგვლივ მომხდარ ამბავთან დაკავშირებით. ეს საკითხი ჩემთვის აქტუალური არაა. ჩემს ცხოვრებაში გაცილებით უფრო მნიშვნელოვანი და პოზიტიური ამბები ხდება, ვიდრე ვიღაცის ან ვიღაცეების პირადი ცხოვრების გარჩევა. გადაცემიდან „შალვა რამიშვილის შოუ“ ჩემი წასვლის მიზეზი ჩემს მორალურ პრინციპებთან შოუს ხელმძღვანელის, შალვა რამიშვილის მხრიდან შეუსაბამო მოთხოვნების წამოყენება იყო. ამ საკითხს აღარ მინდა დავუბრუნდე.
შეკითხვას რომელიც ჟურნალისტებს შეიძლება გაუჩნდეთ-რატომ არ განვაცხადე მე თავის დროზე ამის შესახებ, ვპასუხობ: მე არ განვეკუთვნები ისეთი ადამიანების რიცხვს, რომლებსაც სააშკარაოზე გამოაქვთ შიდა სამზარეულო, მითუმეტეს თუ პროფესიული თანამშრომლობა, ხელმძღვანელის მხრიდან სხვა სახის, ჩემთვის სრულიად მიუღებელ ურთიერთობებს გულისხმობს.
ჟურნალისტებს კიდევ ერთხელ გთხოვთ ნუ შემაწუხებთ ამ თემასთან დაკავშირებით“-წერს ლუჩკო სოციალურ ქსელში.