ქუთაისის მერია „გირჩის“ ადგილობრივი ოფისის ხელმძღვანელისგან 6000 ლარს ითხოვს

პოლიტიკა - 13:21, 07 Apr, 2016

1566

ქუთაისის მერია პოლიტიკური ცენტრის "გირჩის" ქუთაისის ოფისის ხელმძღვანელს 6000 ლარის გადახდას თხოვს. შესაბამისი წერილი პარტიის ოფისში უკვე მიიღეს. წერილში მერია თანხის დაფარვას 30 დღის ვადაში ითხოვს.

საქმე ეხება, ქუთაისის მერიის სპორტისა და ახალგაზრდობის საქმეთა სამსახურის ყოფილი უფროსის თემურ ცამციშვილის მიმართ, ქუთაისის სააპელაციო სასამართლოს 2015 წლის 21 აპრილის განაჩენს, რომლის მიხედვითაც, თემურ ცამციშვილს, ჯარიმის სახით 6000 ლარის გადახდა დაეკისრა.

"გირჩის" ქუთაისის ოფისის ხელძღვანელი ამბობს, განაჩენს არ ეთანხმება, მაგრამ ამის მიუხედავად, თანხას ეტაპობრივად იხდის, როგორც მას აღსრულების ბიურომ განაწლების შედეგად დაუდგინა.

ამის პარალელურად კი, ქუთაისის მერიის მიერ იგივე თანხის გადახდის ვალდებულების დაკისრებას, ცამციშვილი არაკანონიერად მიიჩნევს და ფაქტს პოლიტიკურ ზეწოლად აფასებს.

"შოთა მურღულიამ ამ საქმით დაიწყო მისი კარიერა ქუთაისში და ამავე საქმით დაასრულებს. მისი მხრიდან ამ თანხის გადახდის მოთხოვნა არის პასუხი ჩვენ პოლიტიკურ გააქტიურებაზე და ამასთანავე არის არაკომპეტენტურობის გამოვლინება, რადგან, მერიას სასამართლოს გვერდის ავლით მსგავსი ვალდებულების დაკისება არ შეუძლია",-აბობს თემურ ცამციშვილი.

ქუთაისის მერიაში პოლიტიკური ცენტრის "გირჩის" ადგილობრივი ორგანიზაციის ოფისის ბრალდებებს პასუხობს.

"ცამციშვილმა გამოტანილი განაჩენი კარგად უნდა წაიკითხოს. მერია ედავება მას თვითმმართველობაზე მიყენებულ ზიანს, ხოლო, სასამართლომ მას დაუწესა ჯარიმა სასჯელის სახით. თუ ცამციშვილი დათანხმდება მერიისთვის მიყენებული ზიანის ნებაყოფლობით ანაზღაურებაზე და გამოთქვამს სურვილს თანხის განწილვადებით გადახდაზე, მერია დაეთანხმება და განუწილადებს თანხას",- განმარტავენ ადგილობრივ თვითმმართველობაში.

2012 წელს, თემურ ცამციშვილს, ქუთაისის მერია ადმინისტრაციული რესურსის ბოროტად გამოყენებაში ადანაშაულებდა. საქმის მიხედვით, ცამციშვილმა ადგილობრივი ბიუჯეტიდან დაფინანსებული საწვავით განსაზღვრულზე 20 კილომეტრით მეტი გაიარა.