მმართველ გუნდში არჩევნების თარიღთან დაკავშირებით მიიჩნევენ, რომ არავითარ კანონდარღვევას ადგილი არ აქვს და ამ კუთხით ოპოზიციისა თუ არასამთავრობეობის მოსაზრებებს არ იზიარებენ. აღნიშნულის შესახებ კომენტარს ელისო ჩაფიძე აკეთებს:

„ძალიან დიდ პატივს ვცემ ახალგაზრდა იურისტთა ასოციაციის მოსაზრებას, მაგრამ ვფიქრობ, რომ ამ კონკრეტულ შემთხვევაში, მთელი საზოგადოებისთვის და სამართლებრივი თვალსაზრისითაც, სწორი გადაწყვეტილება იყო ის, რომ პარტიებმა ჯანსაღი საარჩევნო გარემოს შესაქმნელად გაცილებით ადრე იცოდნენ არჩევნების თარიღი, შესაბამისად, ვეთანხმები ამ გადაწყვეტილებას და ვფიქრობ, რომ პრემიერი მას ხელს მოაწერს“, - განაცხადა ელისო ჩაფიძემ.

საქართველოში საპარლამენტო არჩევნები 8 ოქტომბერს გაიმართება, პრეზიდენტის წინადადება ძალაში 8 აგვისტოს შევა და პარტიებს წინასაარჩევნო კამპანიის დაწყების საშუალება მიეცემათ. ოპოზიცია და არასამთავრობოები პრემიერს ურჩევენ პრეზიდენტს კონტრასიგნაციით უპასუხოს და მის შეთავაზებას ხელი არ მოაწეროს, რადგან ეს ყოველივე კანონდარღვევას წარმოადგენს.