საქართველოს საპარლამენტო არჩევნების თარიღთან დაკავშირებით ოპოზიციასა და საპარლამენტო უმცირესობაში კომენტარები კეთდება. „ერთიანი ნაციონალური მოძრაობის“ წევრის, აკო მინაშვილის განცხადებით, ხელისუფლება ადმინსიტრაციული რესურსის გამოყენებას ეცდება:

„პრეზიდენტს თარიღი დამოუკიდებლად არ გამოუცხადებია, ჩვენ კარგად დავინახეთ რა მოხდა იმ დღეს, რამდენიმე წუთით ადრე მას საქართველოს პრემიერ-მინისტრთან თათბირი ჰქონდა. ტაკიმასხარაობაა ის, რაც ხდება ამ თარიღთან მიმართებით, იმიტომ, რომ კანონი არ იცნობს არჩევნებთან დაკავშირებული რეგულაციების გადავადების ნორმას, მთავრობის სურვილია, გამოიყენოს ადმინისტრაციული რესურსიც, გამოიყენოს საბიუჯეტო რესურსებიც საკუთარი საარჩევნო მიზნებისათვის, მაგრამ გამოცხადება ამას ზღუდავს“, - განაცხადა აკო მინაშვილმა.

საქართველოში საპარლამენტო არჩევნები 8 ოქტომბერს გაიმართება, პრეზიდენტის წინადადება ძალაში 8 აგვისტოს შევა და პარტიებს წინასაარჩევნო კამპანიის დაწყების საშუალება მიეცემათ. ოპოზიცია და არასამთავრობოები პრემიერს ურჩევენ პრეზიდენტს კონტრასიგნაციით უპასუხოს და მის შეთავაზებას ხელი არ მოაწეროს, რადგან ეს ყოველივე კანონდარღვევას წარმოადგენს.