საქართველოს თავდაცვის ყოფილი მინისტრის, დავით დგებუაძის ექსტრადირებაზე ბრიტანეთმა უარი თქვა. აღნიშნულის შესახებ კომენტარი საქართველოს იუსტიციის მინისტრმა, თეა წულუკიანმა გააკეთა:

„ჩვენ უნდა გვესმოდეს ის, რომ დღეს თუ არ დაკმაყოფილდა ექსტრადირება, ხვალ დაკმაყოფილდება, ჩვენმა ხელისუფლებამ მრავალი თვის განმავლობაში თითოეული ნაბიჯის ეფექტურად გავლის შედეგად, ისე, რომ საქართველოს პროკურატურას ფარ-ხმალი არ დაუყრია, რამდენიმე დღის წინ ჩამოაბრძანა ბატონის „მასტერა“ იმ ქვეყნიდან, სადაც ის ბრძანდებოდა. აქედან გამომდინარე ჩვენ, რა თქმა უნდა თითოეულ იმ გაქცეულ ადამიანს, რომელზედაც საქმეა აღძრული, დღეს თუ არა, ხვალ ვიხილავთ საქართველოში. ამისთვის მუშაობა არ შეჩერედება და ჩვენ გვაქვს წარმატების მაგალითები, დღეს ვერ დარწმუნდა რომელიმე სასამართლო საზღვარგარეთ? ხვალ დარწმუნდება“, - განაცხადა თეა წულუკიანმა.

შეგახსენებთ, რომ საფრანგეთის სასამართლომ კეზერაშვილის ექსტრადირებაზე უარი 2014 წლის თებერვალში განაცხადა. გარდა ამისა, თავდაცვის ყოფილი მინისტრი ინტერპოლის ძებნილთა სიაშიც აღარ არის.