ხვალიდან აქტიურად ვიწყებთ საკრებულოში განხილვებს ლანჩხუთის ერთ-ერთ ცენტრალურ მოედანზე სტალინის ძეგლის დემონტაჟის მოთხოვნის თაობაზე -ამის შესახებ განცხადებას ლანჩხუთის საკრებულოს დეპუტატი, "ნაციონალური მოძრაობიდან" კახა ასკურავა ავრცელებს და მოვლენების საინტერესოდ განვითარებას აანონსებს:

"ლანჩხუთი XX საუკუნის ტირანის გარეშე! ვნახოთ ვის რა პოზიციები ექნება? ძალიან სინტერესო მოვლენები გველოდება წინ"

კახა ასკურავა აღნიშნავს, რომ სტალინის ძეგლის დემონტაჟის ინიციატორი გამგებლის ყოფილი მოადგილე. ვახტანგ ზენაიშვილია, რომელმაც მუნიციპალიტეტის საკრებულოს ამის თაობაზე ოფიციალური განცხადებით მიმართა.

ვახტანგ ზენაიშვილი "თავისუფალი დემოკრატების" ლანჩხუთის ორგანიზაციის ხელმძღვანელია, თუმცა, როგორც ასკურავა აცხადებს, მან საკრებულოს არა პარტიის სახელით, არამედ როგორც მოქალაქემ ისე მიმართა.

თეა იოსელიანი- გურია