კოალიცია „ქართული ოცნების“ შესაძლო დაშლის შესახებ არა ერთი კომენტარი კეთდება. პოლიტიკური პარტია „გირჩის“ ერთ-ერთი ლიდერის, ზურაბ ჯაფარიძის განცხადებით ცვლილებები გარდაუვალია და „რესპუბლიკური პარტიის“ წევრ მინისტრებს თანამდებობების დატოვება მოუწევთ:

„ცხადია 100 პროცენტიან გარანტიას ვერავის ვერ მივცემ, მაგრამ ალბათობა იმისა, რომ ეს მთავრობა მივიდეს არჩევნებამდე ამ კომპოზიციით, არის ძალიან დაბალი, ვფიქრობ რესპუბლიკელებს ნებისმიერ შემთხვევაში მოუწევთ თანამდებობების დატოვება. როგორ გამოჩნდება გარედან არ ვიცი, მაგრამ ეს იქნება „ქართული ოცნების“, მათ შორის კვირიკაშვილის და შესაძლოა ივანიშვილის გადაწყვეტილებაც“, - განაცხადა ჯაფარიძემ.