თავისუფალი დემოკრატების წევრის ნინო გოგუაძის განცხადებით კოალიცია „ქართული ოცნების“ დაშლა ბიძინა ივანიშვილის გეგმებში შედიოდა. ამის შესახებ გოგუაძემ განცხადება გადაცემა თოქ-შოუ „არჩევანში“ გააკეთა.

„99%-ით შემიძლია, გითხრათ, რომ ეს კოალიცია დაშალა ბიძინა ივანიშვილმა. თავისი მოსაზრებებით დაშალა და ეს ჩაფიქრებული ჰქონდა გაცილებით ადრე. არჩევნების წინ რომ დაშლიდა კოალიციას, ამის მოლოდინი მქონდა, ზუსტი ანალოგიაა, იყო ასეთი სახელმწიფო საბჭოთა კავშირი, რომელიც შედგებოდა 15 რესპუბლიკისგან, 4 რესპუბლიკა იბრძოდა თავისუფლებისთვის, დანარჩენი რესპუბლიკები აცხადებდნენ, რომ ჩვენ მუდმივად ვიქნებით საბჭოთა კავშირში, იმიტომ რომ მუდმივი ეგონათ. ერთ დრესაც საქართველოსა და ბალტიისპირეთის შემდეგ რუსეთმა გამოაცხადა დამოუკიდებლობა და რაღა დარჩენოდათ ამ რესპუბლიკებს, ასე დაეცათ თავზე დამოუკიდებლობა დდა ერთმანეთის მიყოლებით დაბნეულები აცხადებდნენ დამოუკიდებლობას, ახლა ეს კოალიციის სუბიექტები არიან ძალიან მძიმე მდგომარეობაში, იმიტომ რომ მთავარმა პარტიამ- ოცნებამ გამოაცხადა, რომ მარტო გადის არჩევნებზე“ - განაცხადა ნინო გოგუაძემ.