გახდა თუ არა ანტისტალინისტური განცხადებები გორელი ლექტორის სამსახურის დაკარგვის მიზეზი

პოლიტიკა - 18:50, 05 Apr, 2016

1878

„ისეთი ამბავი გავიგე რო ძაან ვარ გაბრაზებული ! გორის სუხიშვილის უნივერსიტეტიდან გაათავისუფლეს არინა თავაქარაშვილი, ლექტორი, რომელიც არის სინდისი ქალაქის, ადამიანი, რომელიც არასდროს გაყიდულა და ყოველთვის სიმართლის მხარეს იბრძვის, არ ვაჭარბებ და სრული პასუხისმგებლობით ვამბობ, რომ ქალბატონი არინა არის ქალაქის ხმა, გაათავისუფლეს მისი ანტისტალინისტური განწყობის გამო, რა სირცხვილია...“-ეს პოსტი სტუდენტმა ნოდარ ეცადაშვილმა სოციალურ ქსელში გაავრცელა, მის განცხადებას საკმაოდ დიდი გამოხმაურება მოჰყვა.

,,ნიუპოსტი“ განცხადების გავრცელების შემდეგ უნივერსიტეტიდან გათავისუფლებულ ლექტორს, არინა თავაქარაშვილს ესაუბრა, რომელიც ფაქტს ადასტურებს და ამბობს, რომ ის სუხიშვილის სახელობის უნივერსიტეტიდან ანტისტალინისტური განცხადებების გამო გაათავისუფლეს. რადგან 2 ოქტომბერს გამართულ საკრებულოს სხდომაზე, სადაც სტალინის ძეგლის დადგმა არ დადგმის საკითხი განიხილებოდა, საკუთარი მოსაზრება დააფიქსირა და თქვა რომ ქალაქში ძეგლი არ უდა დაებრუნებინათ. ძეგლის დაბრუნების მომხრე კი უნივერსიტეტის რექტორი ვალერი სუხიშვილი იყო. სუხიშვილის უნივერსიტეტის რექტორი, არინა თავაქარაშვილის პოზიციას არ იზიარებს. ვალერი სუხიშვილის თმით მიუხედავად თავაქარაშვილის ანტისტალინისტური განწყობისა მათ შორის იდეოლოგიური დაპირისპირება არასდროს ყოფილა. სუხიშვილის თქმით მიუხედავად იმისა, რომ თავაქარაშვილს სამეცნიერო ხარისხიც კი არ აქვს, უნივერსიტეტში სხვადასხვა პოზიციებს იკავებდა და პროფესორის ხელფასსაც იღებდა. მისივე თქმით არინამ სამსახური საკუთარი განცხადების საფუზველზე დატოვა.