„ფორბსის“ ახალი რეიტინგით, ლეონიდ ჩერნოვეცკი უმდიდრესი უკრაინელების ათეულში შევიდა

პოლიტიკა - 14:11, 05 Apr, 2016

3088

უკრაინული „ფორბსის“ რეიტინგით, ლეონიდ ჩერნოვეცკი უმდიდრესი უკრაინელების ათეულში მოხვდა. მისი ქონება 680 მილიონ დოლარს შეადგენს. 2015 წელს ჩერნოვეცკიმ შვილისთვის ძირითადი ფინანსების გადაცემით ქონების ნაწილი დაკარგა, თუმცა ის ყველაზე მდიდარ უკრაინელებს შორის მაინც აღმოჩნდა. უკრაინული პოლიტიკიდან წასვლის შემდეგ ლეონიდ ჩერნოვეცკი ოჯახთან ერთად საქართველოში, ქობულეთში დასახლდა. 2015 წლის ბოლოს მან განაცხადა, რომ საქართველოს მომავალ საპარლამენტო არჩევნებში მიიღებს მონაწილეობას და დააფუძნა პოლიტიკური მოძრაობა – „ბედნიერი საქართველოსთვის“.

რეიტინგში პირველი ადგილი რინატ აჰმეტოვს 2.3 მილიარდი დოლარით ერგო, მეორე ადგილზე იგორ კოლომოისკი გავიდა 1.3 მილიარდი ამერიკული დოლარით. ლიდერთა სამეულს გენადი ბოგოლუბოვი ასრულებს 1.3 მილიარდი დოლარით.

მეოთხე ადგილოსანი ვიქტორ პინჩუკოვია 1.2 მილიარდით, მეხუთე ადგილი იური კასიუკს ერგო 1 მილიარდი ამერიკული დოლარით, მეხუთე ადგილზე კეტრო პოროშენკო გავიდა 858 მილიონი ამერიკული დოლარით. ალექსეი ვადატურსკოვის ქონება უკანასკნელი ერთი წლის მანძილზე 50 პროცენტით გაიზარდა და მეექვსე ადგილზე 840 მილიონით გავიდა. მეშვიდე ადგილი ალექსანდრ იაროსლავსკის ერგო, რომლის ქონებაც 721 მილიონს შეადგენს.