ნატო-ს კვირეულის ფარგლებში მიმდინარე ფორუმის ფარგლებში საქართველოს პრეზიდენტმა, გიორგი მარგველაშვილმა სიტყვით გამოსვლისას მთიან ყარაბაღში მიმდინარე მოვლენებზე ისაუბრა:

"ჩვენ ვსაუბრობთ იმ ვითარებაში, როდესაც ძალიან მკაფიოდ, სულ რამდენიმე დღის წინ, ვაშინგტონში მსოფლიოს თანამეგობრობის უმრავლესობა შეთანხმდა, რომ ტერორიზმის წინააღმდეგ ბრძოლა უნდა იყოს კოორდნირებული და არა მარტო ერთი გეოპოლიტიკური ბლოკის ან მსოფლიოს რაღაცა ნაწილის მიერ, არამედ მთელი კაცობრიობის მიერ

მინდა ხაზგასმით მოვუწოდო კავკასიის რეგიონის კონტექსტში ჩვენს მეზობლებს, რაც შეიძლება მეტი ძალისხმევა მოახმარონ იმას, რომ მშვიდობიანად დასრულდეს დაძაბულობა, განიტვირთოს ის გარემო, რომელიც არის სულ რამდენიმე ასეულ კილომეტრში ჩვენგან და მაქსიმალურად დიპლომატიური წყაროებით და ხერხებით, საერთაშორისო თანამეგობრობის აქტიური ჩართვით მოხერხდეს დაძაბულობის და კონფლიქტის ნეიტრალიზება," - განაცხადა მარგველაშვილმა.