კაციშვილმა არ იცის, "ქართულ ოცნებას" რამდენი უჭერს მხარს- თამაზ მეჭიაური

პოლიტიკა - 10:42, 04 Apr, 2016

1411

საპარლამენტო უმრავლესობის წევრის თამაზ მეჭიაურის შეფასებით „ეროვნული ფორუმის“ მიერ უმრავლესობის დატოვება საკანონმდებლო ორგანოს მუშაობას გაართულებს, რადგან მეტი ძალისხმევა იქნება იმისთვის საჭირო რათა გარკვეულ საკითხებზე თემატური უმრავლესობის ჩამოყალიბება მოხდეს. მეჭიაურის თქმით დადგა დრო, როდესაც ყველა პოლიტიკური პარტია თავის ლიდერზე და პროგრამაზე უნდა იყოს დამოკიდებული და არა ბიძინა ივანიშვილის წონაზე და ფინანსებზე:

„კომფორტული არ იქნება, რადგან, ფაქტობრივად, უმრავლესობა აღარ იარსებებს თუ ფორუმი ასეთ გადაწყვეტილებას მიიღებს. საჭირო იქნება მეტი ძალისხმევა, რათა კონკრეტული საკითხების ირგვლივ თემატური უმრავლესობის ჩამოყალიბება მოხდეს, არავინ დღემდე არ იცის ამ პოლიტიკურ ძალებს მოსახლეობის რა მხარდაჭერა აქვს, მათ შორის ჩვენც, ქართულ ოცნებას რამდენი უჭერს მხარს, კაციშვილმა არ იცის. ყველა პოლიტიკური ძალა თავის ხედვებზე, პროგრამებზე და ლიდერებზე უნდა იყოს დამოკიდებული და არა იმ ერთი კაცის პოლიტიკური წონაზე და მის ფინანსებზე“- განაცხადა თამაზ მეჭიაურმა.

შეგახსენებთ, კოალიციის დატოვების შესახებ გადაწყვეტილება „ეროვნულმა ფორუმმა“ გუშინ ყრილობაზე მიიღო. სავარაუდოდ უმრავლესობის დატოვების შესახებ განცხადებას გაკეთება დღეს ჩანიშნულ სპეციალურ ბრიფინგზე იგეგმება.