საქართველოს შეიარაღებული ძალების გენერალური შტაბის უფროსი, ვახტანგ კაპანაძე იმედოვნებს, რომ მთიან ყარაბაღში შესაძლებელი იქნება ცეცხლის შეწყვეტა და კონფლიქტის მშვიდობიანი გზით მოგვარება.

„ყურადღებით ვაკვირდებით მიმდინარე მოვლენებს, გვაქვს ძალიან მჭიდრო ურთიერთობა და კავშირი ჩვენს კოლეგებთან, როგორც აზერბაიჯანში, ასევე სომხეთში, ვიღებთ ინფორმაციას სრულად, იმედი მაქვს, რომ მოხდება ცეცხლის შეწყვეტა და გადავლენ ამ კონფლიქტის მოგვარების მშვიდ ფაზაში მოგვარებისკენ. ჩვენ ალბათ უნდა ვიკისროთ კიდეც მედიატორის როლი, რადგან ერთ-ერთი ქვეყანა ვართ, რომელიც ორივე მეზობელთან კარგ ურთიერთობაში ვიმყოფებით“, - განაცხადა ვახტანგ კაპანაძე.