ნატო-ს კვირეული, რომელიც საქართველოში მეცხრედ მიმდინარეობს, საქართველოს პრემიერ-მინისტრის მისასალმებელი სიტყვით გაიხსნა. პრემიერის განცხადებით ნატო-ში ინტეგრაცია შეუქცევადი უნდა იყოს და საქართველოს სწრაფვა ევროკავშირსა და ნატო-ს მიმართულებით არ არის არცერთი ქვეყნის წინააღმდეგ მიმართული:

„მნიშვნელოვანია კიდევ ერთხელ ხაზი გაესვას საქართველოს ევროპულ და ევროატლანტიკურ მისწრაფებების მნიშვნელობას ჩვენი ქვეყნის განვითარებისთვის. მსურს ვისარგებლო შემთხვევით და მადლობა გადავუხადო საქართველოს ყველა მხარდამჭერს. საქართველოს შემდგომი ინტეგრაცია ევროპულ და ევროატლანტიკურ სტრუქტურებში შეუძლებელია ჩვენი მეგობრების მხარდაჭერის გარეშე“, - განაცხადა გიორგი კვირიკაშვილმა.