,,ეროვნული ფორუმის“ უმრავლესობას სურს დატოვოს კოალიცია და დამოუკიდებლად გავიდეს არჩევნებში

პოლიტიკა - 15:20, 03 Apr, 2016

1433

,,ეროვნულმა ფორუმმა“ კოალიცია უნდა დატოვოს და არჩევნებში დამოუკიდებლად უნდა მიიღოს მონაწილეობა - ეს არის წინასწარი შედეგები, რომელიც ეროვნული ფორუმის ყრილობაზე ფარული კენჭისყრის შედეგად იქნა ცნობილი.

,,ეროვნული ფორუმის“ ყრილობაზე კენჭისყრისთვის ორი მთავარი კითხვა იყო: უნდა დატოვოს თუ არა ფორუმმა კოალიცია და უნდა მიიღოს თუ არა დამოუკიდებლად არჩევნებში მონაწილეობა.

360 დელეგატი თვილის, რომ დამოუკიდებლად უნდა გავიდეს არჩევნებში, 97 თვლის, რომ ბლოკში, ხოლო 4-მა თავი შეიკავა.

დარჩეს თუ არა კოალიციაში - 342 ფიქრობს, რომ გავიდეს კოალიციიდან, 117 სურს დარჩენა და 2-მა თავი შეიკავა.

,,თუ ჩვენ გადაწყვეტილებას მივიღებთ კოალიციიდან გასვლის შესახებ, მე დავტოვებ თანამდებობას. მე ყრილობის უმრავლესობის გადაწყვეტილებას დავემორჩლები, კოალიცია აღარ არის, ის არის ფორმალურად“ - აცხადებს გუბაზ სანიკიძე.

,,ჩვენთან საკმარისი რაოდენობაა ადამიანების, რომლითაც შეიძლება სია დაკომპელქტდეს და მაქსიმალურად ვეცდები თავი ავარიდო საპარლამენტო საქმიანობას. სხვადასხვა მოსაზრებები პოლიტიკური კრიზისის საფუძვლად არ უნდა იქცეს“ - აცხადებს კახა შარტავა.

ეს იყო სარეიტინგო შედეგები, რომლის მიხედვითაც უმრავლესობამ მიიღო გადაწყვეტლება. ამ კითხვებზე პასუხის გაცემა დელეგატებს ყრილობის დასრულებისას კიდევ ერთხელ მოუწევთ.

პარტიის წევრები მიიჩნევენ, რომ ფორუმმა კოალიცია უნდა დატოვოს, რადგან პარტიას აქვს იმის ძალა და რესურსი, რომ დამოუკიდევლად გავიდეს არჩევნებში.