ევროკომისარი მიგრაციის, საშინაო საქმეთა და მოქალაქეობის საკითხებში, დიმიტრის ავრამოპულოსი საქართველოს პრემიერ-მინისტრს მთავრობის კანცელარიაში შეხვდა. ავრამოპულოსისა და კვირიკაშვილის შეხვედრის ერთ-ერთი ძირითადი თემა საქართველოს ვიზალიბერალიზაციის საკითხი გახლდათ:

„მინდა, მადლობა გადავუხადო არაჩვეულებრივი შეხვედრისთვის. პერსონალურად ვულოცავ საქართველოს იმ წარმატებულ რეფორმას, რაც გაატარა. მინდა ხაზი გავუსვა, რომ ეს არის მნიშვნელოვანი ნაბიჯი ევროკავშირთან ურთიერთობის განმტკიცებისკენ. ჩვენ ვიმედოვნებთ, რომ უახლოეს თვეებში მოხდება პროცესის წარმატებით დასრულება,“ - განაცხადა დიმიტრის ავრამოპულოსმა.