ომბუდსმენი გიგი უგულავს მიმართ საკონსტიტუციო სასამართლოს გადაწყვეტილებას პროგრესულს უწოდებს

პოლიტიკა - 15:23, 01 Apr, 2016

1543

საქართველოს სახალხო დამცველმა 2015 წელს ქვეყანაში ადამიანის უფლებებისა და თავისუფლებათა დაცვის მდგომარეობის შესახებ ანგარიში გამოაქვეყნა, ომბუდსმენი ასევე მიმოიხილავს სამოქალაქო-პოლიტიკურ, ეკონომიკურ, სოციალურ და კულტურულ უფლებათა ფართო სპექტრს. ასევე, ყურადღებას ამახვილებს საანგარიშო პერიოდში ადამიანის უფლებათა სფეროში გამოვლენილ დადებით და უარყოფით ტენდენციებზე და თავს უყრის სახალხო დამცველის მიერ ხელისუფლების სხვადასხვა შტოების მისამართით შემუშავებულ ძირითად უმნიშვნელოვანეს რეკომენდაციებს.

საქართველოს სახალხო დამცველის ანგარიშში მოხვდა „საქართველოს მოქალაქე გიორგი უგულავა საქართველოს პარლამენტის წინააღმდეგ“. ომბუდსმენი აღნიშნავს, რომ ყოფილი თანამდებობის პირების მიმართ წინასწარი პატიმრობის არაჯეროვანი გამოყენება სამართლის შერჩევით ნიშნებს შეიცავდა.

,,არაერთი ყოფილი თანამდებობის პირი იქნა დაპატიმრებული სხვადასხვა ბრალდებით, რომელთა მიმართაც წინასწარი პატიმრობის არაჯეროვანი გამოყენება ქმნიდა სამართლის შერჩევითად გამოყენების ნიშნებს. ამ მხრივ საგულისხმოა, საქართველოს საკონსტიტუციო სასამართლოს პროგრესული და მნიშვნელოვანი გადაწყვეტილება „საქართველოს მოქალაქე გიორგი უგულავა საქართველოს პარლამენტის წინააღმდეგ“ - ნათქვამია სახალხო დამცველი ანგარიშში.