აფხაზეთის დე ფაქტო რესპუბლიკამ სავიზო რეჟიმის დაწესების შესახებ განაცხადა. საქმე ეხება იმ ქვეყნების მოქალაქეებს, რომლებსაც აფხაზეთის ე.წ. რესპუბლიკასთან უვიზო რეჟიმის შესახებ შეთანხმება არ აქვთ ხელმოწერილი.

აფხაზეთის ე.წ. საგარეო საქმეთა სამინისტროს ინფორმაციით, ე.წ. ვიზის გარეშე აფხაზეთის ტერიტორიაზე შესვლა დღეიდან მხოლოდ იმ ქვეყნის მოქალაქეებს შეუძლიათ, რომელსაც აფხაზეთის დამოუკიდებლობა აღიარებული აქვთ.

დღეიდან, რუსეთის, ნიკაგარუას, ტუვალუსა და კიდევ ორი არაღიარებული რესპუბლიკის დნესტრისპირეთის მოლდოვის რესპუბლიკისა და ე.წ. სამხრეთ ოსეთის მოქალაქეებს, აფხაზეთში უვიზოდ მიმოსვლა შეეძლებათ.

,,რესპუბლიკის’’ ტერიტორიაზე თავისუფლად გადაადგილება შეეძლებათ რუსეთის, ტუვალუს, ნიკარაგუას მოქალაქეებს. ე.წ. უვიზო რეჟიმი მოქმედებს ასევე ოკუპირებული სამხრეთ ოსეთისა და დნესტრისპირეთისთვის. ასევე უკრაინის რეგიონების - დონეცკისა და ლუგანსკის არაღიარებული რესპუბლიკების მოქალაქეებს.