კამპანია „ეს შენ გეხება“ მთავარი პროკურორის გადადგომას ითხოვს. არასამთავრობო ორგანიზაციები უწყების არაეფექტურ მუშაობაზე საუბრობენ და აცხადებენ, რომ პასუხისმგებლობა სწორედ ირაკლი შოთაძეს ეკისრება.

კვლავ ძალაში რჩება კამპანიის მოთხოვნები დამოუკიდებელი საგამოძიებო ორგანოს შექმნისა და კანონმდებლობის გამკაცრების შესახებ.

სამოქალაქო სექტორი პრემიერ-მინისტრთან შეხვედრასაც ელოდება.

„გენერალური პროკურორი, რომელიც დღეს იმყოფება თანამდებობაზე და ადრეც ამ გამოძიებაში იყო ჩართული, არ უნდა იმყოფებოდეს ამ თანამდებობაზე, რადგანაც მან არ შეასრულა მასზე დაკისრებული მოვალეობები, არ გვქონია შეხვედრა საქართველოს პრემირ-მინისტრთან, ჩვენ მასთან შეხვედრას ვითხოვთ. აქ არ არის საუბარი მხოლოდ გამოძიებაზე, აქ არის საუბარი ასევე ქვეყანაში ისეთი სისტემის შექმნაზე, რომელიც გამორიცხავს რომელიმე სპეცსამსახურში არქივების შექმნას“, - განაცხადა ეკა გიგაურმა.