საპარლამენტო უმცირესობა კოალიცია „ქართული ოცნების“ დაშლის შემდეგ მის სუბიექტებთან თანამშრომლობის უფრო მეტ შანს ხედავს. ენმ-ს წევრი მიხეილ მაჭავარიანის თქმით, მეტი შესაძლებლობაა, რომ საარჩევნო კოდექსთან დაკავშირებით შეთანხმება შედგეს, რადგან კოალიციიდან გასულ პარტიებს მაჭორიტარული სისტემა აღარ სჭირდებათ:

„ვხედავ საშუალებას რომ ჩვენ ვიმუშაოთ გარკვეულ კანონპროექტებთან დაკავშირებით, იგივე საარჩევნო კოდექსთან დაკავშირებულ საკითხებს წამოვწევთ . პრაგმატულად ვხედავ, რომ თუ ცალკე გავლენ რესპუბლიკელები ან სხვა კოალიციის წევრები, ის დრაკონული მაჟორიტარული სისტემა მათ არ სჭირდებათ. ასევე საარჩევნო კოდექსთან დაკავშირებით. მეტი შანსი გვეძლევა, რომ უფრო მეტ შეთანხმებებზე წავიდეთ“- განაცხადა მიხეილ მაჭავარიანმა.