საქართველოს პრეზიდენტის განცხადებით პოლიტიკოსთა პირადი ცხოვრების ამსახველი ფარული ჩანაწერების გავრცელების მიზანი, პოლიტიკურ პროცესებზე გავლენის მოხდენაა. ამის შესახებ განცხადება გიორგი მარგველაშვილმა აშშ-ში ვიზიტის დროს მედიის წარმომადგენლებთან გააკეთა. მისი თქმით, გამოძიებამაც და საზოგადოებამაც უნდა გაიაზროს, რომ ამ საქმის უკან არ დგას რიგითი ჰაკერი.

„გამოძიებამ და ჩვენც კარგად უნდა გავიაზროთ, რომ ამ მომენტში არ დავდევთ ჰაკერებს, ან ვიღაც ადამიანებს, რომლებმაც რაღაც ატვირთეს ინტერნეტში. ეს არის პროცესი, როდესაც გარკვეულ ჯგუფს ადამიანებისა უნდა პოლიტიკურ პროცესზე გავლენის მოხდენა . შესაბამისად ეს უნდა გაიაზრონ სამართალდამცავებმა და ამის გააზრებით უსწრაფესად პასუხი გასცენ ქართულ საზოგადოებას.“- განაცხადა გიორგი მარგველაშვილმა.