,,31 მარტს დაიწყო ბრძოლა საქართველოს თავისუფლებისთვის და ეს ბრძოლა დღესაც გრძელდება"

,,31 მარტს დაიწყო ბრძოლა საქართველოს თავისუფლებისთვის და ეს ბრძოლა დღესაც გრძელდება" - ირაკლი ალასანია

პოლიტიკა - 16:17, 31 Mar, 2016

1645

1991 წლის 31 მარტის რეფერენდუმს, რომლის საფუძველზეც საქართველოს მოსალეობამ მხარი დაუჭირა საქართველოს დამოუკიდებლობას, სპეციალური განცხადებით ეხმაურება ,,თავისუფალი დემოკრატების“ ლიდერი ირაკლი ალასანია.

,,1991 წლის 31 მარტი უმნიშვნელოვანესი თარიღია საქართველოს ისტორიაში. 25 წლის წინ გამართულმა რეფერენდუმმა და ამ დღის ერთსულოვნებამ საფუძველი ჩაუყარა ჩვენი ქვეყნის სახელმწიფოებრივი დამოუკიდებლობის აღდგენას.

ამ დღეს დაიწყო საქართველოს უმნიშვნელოვანესი ბრძოლა თავისუფლებისათვის და ეს ბრძოლა დღესაც გრძელდება. 25 წლის თავზე ჩვენ ისევ გვიწევს ბრძოლა იმ ძალებთან, რომლებიც ცდილობენ ხელი შეუშალონ ჩვენი ქვეყნის განვითარებას და იმ ისტორიულ გზაზე სვლას, რომელიც საქართველომ აირჩია.

ჩვენი ქვეყნის დამოუკიდებლობისათვის ბრძოლის სათავეებთან არაერთი პატრიოტი იდგა, რომელთა ძალისხმევამაც ჩვენს ქვეყანას ახალი პერსპექტივები და განვითარების საფუძველი შეუქმნა. ამ დღის მთავარი შემოქმედი იყო ზვიად გამსახურდია, საქართველოს პირველი პრეზიდენტი, რომელსაც დღეს 77 წელი შეუსრულდებოდა.

ერთად დგომით, თავდადებული შრომითა და შემართებით ჩვენ ყოველთვის გავიმარჯვებთ და შევქმნით ევროპულ ქვეყანას.

,,თავისუფალი დემოკრატების’’ სახელით მინდა მთელ საქართველოს მოგილოცოთ დღევანდელი დღე როგორც ერთიანობისა და დამოუკიდებლობის სიმბოლო“ - ნათქვამია ირაკლი ალასანიას განცხადებაში.