საქართველოს პარლამენტის თავმჯდომარე, დავით უსუფაშვილი „რესპუბლიკური პარტიის“ განცხადებაზე კომენტარს აკეთებს. მისი განცხადებით, რესპუბლიკელები არ არიან და არ იქნებიან კოალიციის დაშლის მიზეზი:

"პარლამენტის პარალიზება მოსალოდნელი არ არის. გადაწყვეტილებების მიღება გართულებული ახლაც არის, შეიძლება იყოს კიდევ. ამისთვის უმრავლესობის მხრიდან გარკვეული თადარიგი დაჭერილია, შარშან ჩვენ მნიშვნელოვანი კანონები მივიღეთ. ეს არ ნიშნავს, რომ პარლამენტი პარალიზებული იქნება, ჩვენ არ ვართ და არ ვიქნებით უმრავლესობის დაშლის მიზეზი და ჩვენი გადაწყვეტილებით არ იქნება ეს. ამასთანავე უმრავლესობაში ჩვენ გვაქვს 10 მანდატი, დანარჩენი პარტიები, თუ ინდივიდები როგორ მოიქცევიან, ვერაფერს გეტყვით,“- განაცხადა დავით უსუფაშვილმა.