,,როგორც სჩანს ქართულ ოცნებას არ აქვს სურვილი, ვინმე აიკიდოს"

,,როგორც სჩანს ქართულ ოცნებას არ აქვს სურვილი, ვინმე აიკიდოს" - ბაჩუკი ქარდავა

პოლიტიკა - 17:18, 31 Mar, 2016

1514

პოლიტიკოსის პირადი ცხოვრების ამსახველი ახალი კადრების გავრცელებასთან დაკავშირებით შეფასება გააკეთა "ეროვნულ დემოკრატიული პარტიის" ლიდერმა ბაჩუკი ქარდავამ.

ედპ-ს ლიდერის თქმით, ხელისუფლება ვითარებას ვერ აკონტროლებს.

ოპოზიციის ერთ-ერთმა ლიდერმა "რესპუბლიკური პარტიის" გადაწყვეტილებაც შესაფასა.

"ეს არის ტერორი საზოაგდოების, როდესაც ხდება პოლიტიკოსების, ჟურნალისტების ასეთი კადრებით დაშანტაჯება. ფაქტია, რომ ხელისუფლება ვითარებას ვერ აკონტროლებს, ჩნდება კითხვის ნიშნები, შედის თუ არა ეს მის ინტერესებში თუ ჩვენს ქვეყანას მართავს ძალა, რომელსაც არ გააჩნია რესურსები იმისათვის, რომ დაცული იყოს ჩვენი საზოგადოება. რამდენად ემთხვევა ერთმანეთს რესპუბლიკელების განცხადება და დღევანდელი კადრების გავრცელება, ჩემთვის რთული სათქმელია, რადგან დაანონსებული ადრევე იყო, რომ ეს პარტია ამ განცხადებას გააკეთებდა, მე დარწმუნებული ვიყავი იმაში, რომ ისინი არჩევნებში დამოუკიდებლად მიიღებდნენ მონაწილეობას"- აღნიშნა ქარდავამ

მისი პროგნოზით, 2016 წლის არჩევნებზე ქართული ოცნება "ქართული ოცნება“ გავა როგორც ერთი პოლიტიკური სუბიექტი.

"ახალ პოლიტიკურ რეალობას ვიღებთ. კოალიცია არ იარსებებს, ალბათ „ქართული ოცნება“ გამოვა როგორც ერთი პოლიტიკური სუბიექტი ამ არჩევნებში, ვერ ვიტყვი რამე შიდა პოლიტიკურ პრობლემებთან გვქონდეს საქმე, ეს არის ქართული ოცნებისა და მისი რეალური პატრონის გადაწყვეტილება, მას არავითარი სურვილი არ აქვს, ვინმე აიკიდოს, რა შედეგს დადებენ ის პარტიები, რომლებიც გამოვლენ კოალიციიდან, ამას არჩევნები დაგვანახებს. ერთი რამ ფაქტია, ალბათ ამ პარტიებმა არ მოისურვეს გარდაქმნა ქართულ ოცნებად და თავისი პოლიტიკური ორგანიზაციები შეინარჩუნეს“, - განაცხადა ბაჩუკი ქარდავამ.