ოპოზიცია მთავრობის პასუხის მოლოდინშია, პარალელურად კი სამომავლო გეგმებზე მსჯელობს

პოლიტიკა - 15:01, 31 Mar, 2016

1010

"ეროვნულ-დემოკრატიული პარტიის" ოფისში დღეს საარჩევნო საკითხებზე მომუშავე ჯგუფი შეიკრიბა.
როგორც ინტერპარტიული ჯგუფის წევრმა, მამუკა კაციტაძემ ადგილზე შეკრებულ ჟურნალისტებს განუცხადა, განხილვის ერთ-ერთი მთავარი თემა სამუშაო ჯგუფთან დაკავშირებით გაიმართება, რომელიც ინტერპარტიული ჯგუფისა და ხელისუფლების მიერ არის შექმნილი და რომელიც საარჩევნო საკითხებზე მუშაობას ისახავს მიზნად.

„ინტერპარტიული ფორმატი დღეს ატარებს გეგმიურ შეხვედრას, რომელიც უკავშირდება ერთის მხრივ დღევანდელ დღეს, დღეს 31 მარტია და რეფერენდუმის 25 წლის თავია და ჩვენ შესაბამისი განცხადების გავრცელება გვინდა, რომელიც ზვიად გამსახურდიას მკვლელობის საქმეს და დღევანდელ თარიღს უკავშირდება.
ამავდროულად დღეს ჩვენ ვიმსჯელეთ სამუშაო ჯგუფთან დაკავშირებით, რომელიც ინტერპარტიული ჯგუფისა და ხელისუფლების მიერ არის შექმნილი საარჩევნო საკითხებზე. ჩვენ ველოდებით ხელისუფლების პოზიციას ჩვენს მიერ წარდგენილ საკითხებთან დაკავშირებით, ანუ პასუხს და ჩვენ ველოდებით კონკრეტულ თარიღს სამუშაო ჯგუფის მეორე შეხვედრასთან დაკავშირებით.

ჩვენ გვაქვს შეთანხმება, რომ აპრილის შუა რიცხვებამდე, კერძოდ 15 აპრილამდე ეს პროცესი უდნა დასრულდეს, აქედან გამომდინარე ჩვენ დავთქვით ერთგვარი ბოლო ვადა, მე არ ვთვლი საჭიროდ, რომ ხელოვნურად ფორსირება მოვახდინოთ ამ საკითხების, თუმცა, მზაობა უნდა გვქონდეს იმ შემთხვევაზეც, თუკი ხელისუფლების მხრიდან პასუხს ვერ ვიღებთ ან ვიღებთ უარყოფით პასუხს, მაშინ რა ქმედებები უნდა განვახიორციელოთ. ვადები ძალაში დასატოვებელია, მაგრამ ამ ვადების მიუხედავად ჩვენ მზაობა გვმართებს უარყოფითი პასუხის შემთხვევაში თუ რა უნდა ვქნათ"- აცხადებს მამუკა კაციტაძე.