ჩვენთვის ნათელი იყო, რომ "ქართულ ოცნების" პრიორიტეტი არჩევნებზე დამოუკიდებლად გასვლაა- უსუფაშვილი

პოლიტიკა - 14:33, 31 Mar, 2016

1931

საქართველოს პარლამენტის თავმჯდომარის თქმით იმ გადაწყვეტილებისდა მიუხედავად, რომ არჩევნებზე „რესპუბლიკელები“ და „ქართული ოცნება“ დამოუკიდებლად მიიღებენ მონაწილეობას , მათ თანამშრომლობა და პარტნიორობა უნდა მოახერხონ. ამასტანავე დავით უსუფაშვილის თქმით „რესპუბლიკური პარტიისთვის“ ნათელი იყო რომ „ქართულ ოცნებას“ არჩევნებზე დამოუკიდებლად გასვლა სურდა და მათ ეს გამოწვევა მიიღეს.

„ჩვენ გვქონდა ძალიან მჭიდრო კონსულტაციები ბატონ გიორგისთან, კოალიციის სხვა ლიდერებთანაც. გადაწყვეტილების მიღებამდე ჩვენთვის ნათელი იყო რომ პარტია "ქართულ ოცნების" პრიორიტეტია დამოუკიდებლად გასვლა უახლოეს არჩევენბზე. ჩვენ რა თქმა უნდა ვიღებთ ამ გამოწვევას, ამ რეალობას, რომელიც არის ჩვეულებრივი მოვლენა პოლიტიკური ცხოვრებისთვის. მოგეხსენებათ, იქ სადაც არის კოალიციური რეჟიმი, კოალიციები იქმნება არჩევნებიდან არჩევნებამდე რეჟიმში, ხოლო რაც შეეხება არჩევნებს, არჩევნებზე პარტიები გადიან ან ცალ-ცალკე ან კოალიციური რეჟიმში. ჩვენი გადაწყვეტილება არის გარკვეულწილად ახალი სიტყვა ქართული პოლიტიკური რეალობის განვითარებასა და წინსვლაში. დღეს ბევრი სვამს კითხვას, როგორ უნდა მოვახერხოთ მე და ბატონმა გიორგიმ თანამშრომლობა და "ქართული ოცნების" წევრებმა თან პარტნიორობა და თან თანამშრომლობა , როგორ და ასე. იმიტომ, რომ სხვანაირად ევროპული დემოკრატია არის წარმოუდგენელი.“ - აღნიშნა პარლამენტის თავმჯდომარემ.