"რესპუბლიკელი" მინისტრები მუშაობას ჩვეულებრივად გააგრძელებენ- გიორგი კვირიკაშვილი

პოლიტიკა - 14:06, 31 Mar, 2016

1432

საქართველოს პრემიერ-მინისტრმა პარლამენტის თავმჯდომარესტან შეხვედრის შემდეგ, კომენტარი „რესპუბლიკელების’ მიერ არჩევნებში დამოუკიდებლად მონაწილეობაზე გააკეთა და აღნიშნა, რომ მიუხედავად „რესპუბლიკური პარტიის“ მიერ მიღებული გადაწყვეტილებისა, რესპუბლიკელი მინისტრები საქართველოს მთავრობაში რჩებიან:

„მოგეხსენებათ, რომ ქართულ ოცნებაში დიდი ხანია მიმდინარეობდა არჩევნებზე გასვლის ფორმასთან დაკავშირებით კონსულტაციები. ჩვენ ვთვლით, რომ ეს არის მისაღები ფორმა, რომ "ქართული ოცნება" გამოვიდეს დამოუკიდებლად არჩევნებში, აქედან გამომდინარე გაკეთდა შესაბამისი განცხადება რესპუბლიკური პარტიის მხრიდანაც. მიუხედავად ამისა, ჩვენ ვთვლით, რომ ამ ეტაპზე საჭიროა მთავრობაში მუშაობა ჩვეულებრივად გავაგრძელოთ . პარტიული კუთვნილების მიუხედავად მთავრობის სტაბილურობა არის ძალიან მნიშვნელოვანი და რა თქმა უნდა შევეცდებით, რომ ამ რეჟიმში მუშობა გავაგრძელოთ არჩევნებამდე. არჩევნების შემდგომ თანამშრომლობის ფორმებზე დღეს საუბარი ნაადრევია. საჭიროა, რომ საქართველოს მოსახლეობამ შესაბამისი არჩევანი გააკეთოს. არჩევნებში პარტიების დამოუკიდებლად მონაწილეობა ჩვეულებრივი საერთაშორისო პრაქტიკაა, ამაში განსაკუთრებული არაფერია და ჩვენ ვთვლით, რომ როდესაც პატია დამოუკიდებლად გავა შემდგომში ხდება ასე თუ ისე კოალიციების შექმნა. 2012 წელს იყო სრულიად სხვა რეალობა, დღეს სხვა რეალობაა. 2012 წლის წინასაარჩევნო პროცესი იყო ძალიან მძიმე და „ქართული ოცნება“ ბლოკის ფორმით გავიდა . დღეს სხვა რეალობაა, დემოკრატიული განვითარება მნიშვნელოვან ცვლილებებს განაპირობებს.“- განაცხადა გიორგი კვირიკაშვილმა.