ევროპის სახალხო პარტიის პრეზიდენტმა, ჟოზეფ დოლიმ ე.წ. მატროსოვის ციხეში ვანო მერაბიშვილი, გიგი უგულავა და ბაჩო ახალაია მოინახულა. ვიზიტის შემდეგ დოლიმ ჟურნალისტებისთვის კომენტარი გააკეთა:

„მინდა გადმოგცეთ ის მესიჯი, რომელიც სამივე ყოფილი თანამდებობის პირმა გადმომცა, ისინი იბრძვიან იმისთვის, რომ საქართველო რაც შეიძლება მალე გახდეს ევროპული ქვეყანა და მე ვუპასუხე მათ, რომ ჩვენ ვიბრძვით იმისთვის, რომ საქართველო რაც შეიძლება მალე შევიდეს ევროპაში. ჩვენ გვინდა სახელმწიფო, რომელშიც კანონი უზენაესია და მათთვის დამოუკიდებელი სამართალი, რაც უმთავრესი საკითხია, ასევე დავამატებ, რომ უნდა იყოს ბრძოლა კორუფციის წინააღმდეგ იმისთვის, რომ ახალგაზრდები განვითარდნენ და ინვესტიციები შემოვიდეს საქართველოში, ემოციებით დატვირთული გამოვედი ციხიდან, იმიტომ, რომ როცა ადამიანი ციხეში ზის, ის ციხეში ზის, როცა ადამიანი შედის ციხეში, ის იქნება ყოფილი პრემიერმინისტრი, ქალაქის მერი თუ ყოფილი შინაგან საქმეთა მინისტრი, შედის ციხეში და იქ რჩება. მითუმეტეს, როცა სამართალი არ არის ყოველთვის სწორი მათ მიმართ.

მე მინდა მადლობა გადავუხადო ხელისუფლებას, რომ მომცა ამ ადამიანებთან ხანგრძლივად შეხვედრის უფლება. ისინი აგრძელებნ ფიქრს და მშაობას. ერთ-ერთმა მათგანმა მითხრა, რომ ის მუშაობს თავის თავზე, რომ ციხიდან გაბოროტებული არ გამოვიდეს და ციხიდან პოზიტივი მაინც გამოიტნოს.

მე მგონი ეს ჩემთვისაც ძალიან პოზიტიური იყო. მე აუცილებლად უნდა ვთქვა, რომ გავაგრძელებ მუშაობს „ნაციონალურ მოძრაობასთან“, რომელიც იცავს ამ სამ ადამიანს და იცავს საქართველოს ევროპულ მომავალს, რომელიც ამ ქვეყანას აქვს“, - განაცხადა დოლიმ.