კადრები რომელიც განადგურდა, აღმოჩნდა რომ ამ ხელისუფლების პირობებში შანტაჟისთვის გამოიყენეს

კადრები რომელიც განადგურდა, აღმოჩნდა რომ ამ ხელისუფლების პირობებში შანტაჟისთვის გამოიყენეს - ალასანია

პოლიტიკა - 23:17, 29 Mar, 2016

1396

„თავისუფალი დემოკრატების“ ლიდერი ფარული ვიდეო-კადრების გავრცელებასთან დაკავშირებით კომენტარს აკეთებს. ირაკლი ალასნაიამ ამის შესახებ ტელეკომპანია „რუსთავი 2“-ის გადაცემა „არჩევანში“ ისაუბრა:

„მე მახსოვს როდესაც გავრცელდა ინფორმაცია შევარდნაძის დროს რომ ერთერთი მაღალჩინოსნის მოსმენა მიმდინარეობდა, უშიშროების მინისტრი გადადგა, შემდეგ სააკაშვილის მმართველობისას მსგავსი დანაშაულებები გამოძიებული არ იყო. ჩვენ როდესაც მოვედით ხელისუფლებაში, მე ვიზიარებ ჩემ წილ პასუხისმგებლობას, როდესაც თითქოს ის კადრები განადგურდა, რეალურად აღმოჩნდა, რომ ისინი დღევანდელი ხელისუფლების პირობებში შანტაჟისთვის იქნა გამოყენებული. პასუხისმგებლობა ეკისრება ხელისუფლებას და წინა ხელისუფლების წარმომადგენელებსაც. ფაქტია პოლიტიკური პასუხისმგებლობა ორივე მათგანს უნდა აეღოთ.

„თავისუფალი დემოკრატები“ გამოვირჩევით იმით, რომ გვსურს ნეგატივის მინიმუმამდე დაყვანა. სწორედ ამ კალაპოტიდან ამოგდება უნდათ მათ ვინც ეს კადრები გაავრცელა“, - განაცხადა ირაკლი ალასნაიამ.