„ზღვა ხე არ არის“ - აქცია განმუხურში ივანიშვილის წინააღმდეგ

პოლიტიკა - 17:11, 29 Mar, 2016

2143

საპროტესტო აქცია გაიმართა დღეს განმუხურში. "ნაციონალური მოძრაობის" წევრებმა ადგილობრივ მოსახლეობასთან ერთად, ბულვარის ტერიტორიის აუქციონზე გასაყიდად გატანა გააპროტესტეს.
„ზღვა ხალხს ეკუთვნის“, „ზღვა ხე არ არის“, - ამ შინაარსის ტრანსფარანტებით მივიდა მოსახლეობა აქციაზე.
ადგილზე „ერთიანი ნაციონალური მოძრაობის“ ადგილობრივი ორგანიზაციის წარმომადგენლები და საპარლამენტო უმცირესობის წევრი სერგო რატიანი იმყოფებოდნენ.
რატიანის თქმით, განმუხურში ინვესტიციების განხორციელება ბულვარის გასხვისების გარეშეც არის შესაძლებელი. შეკრებილები აუქციონის გადადებას მოითხოვენ.

განმუხურში მოსახლეობამ და „ერთიანი ნაციონალური მოძრაობის“ წარმომადგენლებმა საპროტესტო აქცია 25 მარტსაც გამართეს.

"ნაციონალური მოძრაობის" ზუგდიდის ოფისის წარმომადგენლების განცხადებით, განმუხურის სანაპირო ყოფილი პრემიერ-მინისტრის, ბიძინა ივანიშვილის ინტერესებს ეწირება.

ენმ-ს წევრის განცხადებით, აღნიშნული ტერიტორის 33 951.00 კვ.მ აუქციონის წესით იყიდება. საწყისი ფასი 2 263500 ლარია.

ენმ-ს ცნობით, ტერიტორიაზე სამშენებლო ნებართვის მიღებიდან არაუმეტეს 36 თვის ვადაში, 120 ნომრის მქონე სასტუმრო კომპლექსი უნდა აშენდეს, მყიდველმა არანაკლებ 10 000 000 ლარის ოდენობის ინვესტიცია უნდა განახორციელოს.