"ნიუპოსტი" ჯერ კიდევ წინა კვირას, სანდო წყაროზე დაყრდნობით ექსკლუზიურად წერდა, რომ ბაღების სკანდალს ბაღების მართვის სააგენტოს ხელმძღვანელი გადაყვებოდა.

ჩვენი წყარო დღესაც გვიყვება, რომ თბილისის მერის დავით ნარმანიას ახლო მეგობარი თემურ თორდინავა, თანამდებობას მასობრივი გათავისუფლების გამო დატოვებს.

თორდინავას მოსალოდნელი გათავისუფლების შესახებ საუბრობენ საკრებულოშიც.

"ნაციონალური მოძრაობის" წევრი ირაკლი აბესაძე აღნიშნავს, რომ საქმით პროკურატურა უნდა დაინტერესდეს.

„პირველ რიგში უნდა მოხდეს დირექტორების თანამდებობაზე აღდგენა და დაიწყოს გამოძიება მართლაც ქონდა თუ არა ადგილი ბაგა ბაღების 100-ზე მეტ მოადგილეზე, რომელთა უმრავლესობა პირადი განცხადებით წავიდა, ზეწოლას, ასევე ადგილი ქონდა თუ არა ზეწოლას ბაგა ბაღების დირექტორებზე, იმისათვის, რომ მათ თითქოს საკუთარი განცხადებით დაეტოვებინათ თანამდებობა - განაცხადა აბესაძემ.

საკრებულოს დამოუკიდებელი დეპუტატი ალეკო ელისაშვილიც მათ რიგებშია ვინც თვლის, რომ თორდინავამ არაკვალიფიციურობის გამო თანამდებობა უნდა დატოვოს.

"თორდინავასთან დაკავშირებით სულ მოდიოდა ინფორმაცია, რომ ის იყო არაკვალიფიციური. ერთმნიშვნელოვნად უნდა მოკიდო ხელი ქეჩოში ასეთ მენეჯერს და უნდა გაუშვა სახლში. ამდენ ხანს უნდა მიეღო გადაწყვეტილება ნარმანიას, მაგრამ ეტყობა, ნარმანიასაც მოკიდეს ბოლო-ბოლო ქეჩოში ხელი, რადგან თვითონ ვერასოდეს ვერანაირ გადაწყვეტილებას ვერ იღებს“ - აცხადებს ალეკო ელისაშვილი.

თბილისის საკრებულოს ფრაქცია გაერთიანებული დემოკრატიული მოძრაობის წევრს მიაჩნია, რომ მხოლოდ ერთი პიროვნების ცვლილება ბაგა ბარებისთვის სასურველ შედეგს ვერ მოიტანს. თამარ ცინცაბაძის თქმით, საჭიროა ძირეული ცვლილებები.

ბაგა-ბაღების სააგენტოში უნდა მუშაობდნენ სფეროს კარგად მცოდნე ადამიანები და ისინი უნდა წარმართავდნენ ამ პროცესებს,“ - აღნიშნა თბილსის საკრებულოს ფრაქცია ქართული ოცნება - რესპუბლიკელების წევრმა, გულიკო ზუმბაძემ.

"ნიუპოსტი" თბილისის ბაღების მართვის სააგენტოს პესსამსახურს დაუკავშირდა. თაკო კვირტიამ უწყების ხელმძღვანელის მოსალოდნელი გადადგომის ფაქტი არც დღეს დაადასტურა.

"ამ ინფორმაციას არ ვფლობ, ბატონი თემური ჩვეულ რეჟიმში მუშაობს"- ამბობს პრესსამსახური.