"არ ვაპირებთ გადადგომას და არც კოალიციიდან წასვლას არ ვგეგმავთ"- თინათინ ხიდაშელი

პოლიტიკა - 18:08, 28 Mar, 2016

1711

თავდაცვის მინისტრის თინათინ ხიდაშელის თქმით არც ის და არც სხვა რესპუბლიკელი მინისტრები პოსტების დატოვებას არ აპირებენ და არც კოალიციის დატოვებაზე არ ყოფილა საუბარი:

„ნამდვილად არ ვაპირებთ გადადგომას არც მე და არც სხვა რესპუბლიკელი მინისტრები. არც კოალიციიდან წასვლას არ ვგეგმავთ. საერთოდ ცხოვრებაში არაფერი არ არის გამორიცხული, გასაგებია, მაგრამ ჩვენ არც კოალიციიდან წასვლას ვგეგმავთ და მსგავის ტიპის გადაწყვეტილებების მიღება არ ხდება. წინასაარჩევნო პერიოდი იწყება და ის რომ პარტიები მსჯელობდნენ მომავალ საპარლამენტო არჩევნებში რა კონფიგურაციით და ფორმატით გავიდნენ, ეს ჩემი აზრით არის ბუნებრივი, სწორი პროცესი. ასეთი ტიპის საუბარი რომ ყოფილიყო მე ეროვნული კომიტეტის სხდომაზე ვიქნებოდი , მაგრამ მე ეს ორი დრე გავატარე სამინისტროში“- განაცხადა თინათინ ხიდაშელმა.

თინათინ ხიდაშელის და სხვა მინისტრების შესაძლო გადადგომის შესახებ საუბარი მას შემდეგ დაიწყო, რაც რესპუბლიკურმა პარტიამ განაცხადა, რომ უახლოეს მომავალში საზოგადოებას ეროვნული კომიტეტის სხდომაზე მიღებულ გადაწყვეტილებას გააცნობდა, რომელიც მომავალ არჩევნებში პარტიის მონაწილეობის ფორმატს გულისხმობდა.