„რესპუბლიკური პარტიის“ კოალიცია „ქართული ოცნებიდან“ გასვლის შესახებ არა ერთი კომენტარი კეთდება. საპარლამენტო უმრავლესობის წარმომადგენლის, ზვიად კვაჭანტირაძის განცხადებით, „რესპუბლიკელების“ კოალიციიდან გასვლის შესახებ საუბარი ნაადრევია:

"რესპუბლიკელების" კოალიციიდან გასვლაზე საუბარი ნაადრევია. ჩვენ საუბარი დავიწყეთ მომავალ საპარლამენტო არჩევნებში მონაწილეობის ფორმატზე. ზოგს მიაჩნია, რომ მოვლენები ასე განვითარდება, ზოგს მიაჩნია, რომ - ისე. მე ვერაფერზე ვივარაუდებ - არ ვარ ლელა კაკულია და ამ თემებზე ვერ ვიმკითხავებ. ჩვენ გვჭირდება ჩვენი ყველა მეგობრის, კოალიციური პარტნიორების პოზიციის გაცნობა და ჩვენს საკუთარ პოზიციებში ჩამოყალიბება", - განაცხადა ზვიად კვაჭანტირაძემ.