საქართველოს პრეზიდენტმა უზენაესი სასამართლოს მოსამართლეობის ორი ახალი კანდიდატი დაასახელა

პოლიტიკა - 14:29, 28 Mar, 2016

1629

საქართველოს პრეზიდენტმა გიორგი მარგველაშვილმა უზენაესი სასამართლოს მოსამართლეობის ორი ახალი კანდიდატი თამარ ლალიაშვილი და ნონა თოდუა დაასახელა

წარდგენამდე პრეზიდენტი ორივე მათგანს შეხვდა. შეხვედრას ესწრებოდა თავდაცვის მინისტრის მოადგილე და უზენაესი სასამართლოს მოსამართლეობის ერთ-ერთი კანდიდატი ანა დოლიძე.

პრეზიდენტის ადმინისტრაციის ინფორმაციით, თამარ ლალიაშვილს 2001- 2006 წლებში საქართველოს უზენაესი სასამართლოს მოსამართლის თანამდებოდა ეკავა, ხოლო 2000-2001 წლებში იგი იყო საოლქო სასამართლოს მოსამართლე, 1999-2000 წლებში კრწანისის მთაწმინდის რაიონული სასამართლოს მოსამართლე, 1993-1999 წლებში კი თამარ ლალიაშვილი საქართველოს გენერალური პროკურატურის პროკურორის თანამდებობას იკავებდა. 1988 წელს თამარ ლალიაშვილმა ივანე ჯავახიშვილის სახელობის სახელმწიფო უნივერსისტეტის იურიდიული ფაკულტეტი დაამთავრა. 2007-2010 წლებში თამარ ლალიაშვილი ბრემენის უნივერსიტეტის სამართალმცოდნეობის ფაკულტეტის მეცნიერ თანამშრომელი იყო. 2010 წელს მიენიჭა სამართლის დოქტორის წოდება. არის ორი წიგნისა და 20-მდე სამეცნიერო ნაშრომის ავტორი.

მათივე ცნობით, ნონა თოდუას 30-წლიანი საგანმანათლებლო-სამეცნიერო მუშაობის სტაჟი აქვს. წლების განმავლობაში იგი ლექციებს კითხულობდა ივანე ჯავახიშვილის სახელობის თბილისის სახ. უნივერსიტეტში, კავკასიის უნივერსიტეტში, საქართველოს ტექნიკურ უნივერსიტეტში. 2014 წლის იანვრიდან-დღემდე ივანე ჯავახიშვილის სახელობის თბილისის სახ. უნივერსიტეტი პროფესორია. ნონა თოდუა არის 30-მდე სამეცნიერო ნაშრომისა და პუბლიკაციის ავტორი. ნონა თოდუამ 1981 წელს ივანე ჯავახიშვილის სახელობის სახელმწიფო უნივერსისტეტის იურიდიული ფაკულტეტი დაამთავრა