არასამთავრობო ორგანიზაციების ინიციატივა მისაღებია საპარლამენტო უმცირესობის წარმომადგენლებისთვის. დამოუკიდებელი საგამოძიებო ორგანოს შექმნას კი კვლავ არ უჭერენ მხარს უმრავლესობაში, მათი აზრით ეს ყოველივე ხელს შეუშლის გამოძიებას.

საუბარია არასამთავრობო ორგანიზაციების ინიციატივაზე, ფარული ვიდეო კადრების საქმეზე დამოუკიდებელი საგამოძიებო ორგანოს შექმნაზე.

„მე ვფიქრობ, რომ ეს მოთხოვნა გარკვეულწილად პოლიტიკურად არის ანგაჟირებული და ძალიან მიკვირს, როდესაც ამ საზოგადოებრივ ჯგუფთან ერთად, ცენტრალურ ფიგურებად ჩნდებიან ის ფიგურები, რომელთა მმართველობის პირობებშიც შეიქმა, მმართველობის ეს საშინელი ფორმა“, - განაცხადა გია ვოლსკიმ.