გიორგი ანწუხელიძემ სიმამაცით სიკვდილი დაამარცხა და ის მუდმივად იცოცხლებს ჩვენს გულებში- პრეზიდენტი

პოლიტიკა - 12:33, 25 Mar, 2016

1084

გიორგი ანწუხელიძის სახელობის სერჟანტთა მომზადების სკოლაში დღეს სერჟანტთა მომზადების ცენტრის იუბილე და სერჟანტთა სამეთაურო საშტაბო დისტანციური კურსის დასრულების საზეიმო ცერემონია გაიმართა. ცერემონიას საქართველოს პრეზიდენტიც დაესწრო და სიტყვით გამოვიდა. გიორგი მარგველაშვილმა ეროვნული გმირის გიორგი ანწუხელიძის შესახებაც ისაბრა და აღნიშნა, რომ ქართველმა გმირმა თავისი სიმამაცით სიკვდილი დაამარცხა და ის მუდმივად იცოცხლებს საქართველოს მოქალაქეების გულებში. "გილოცავთ დღევანდელ დღეს. ჩვენ ვართ სერჟანტთა სკოლაში - სკოლაში იმ ადამიანებისა, რომლებზეც გადადის მთავარი ტვირთი ბრძოლისა, იმ სირთულეებისა, რომლებიც ჯარისკაცებს ბრძოლის ველზე შეეხება. თქვენ გამგრძელებელი ხართ იმ ტრადიციებისა, რომლითაც მრავალსაუკუნოვანი ისტორიით მოვიდა ჩვენი ქვეყანა. ძალიან მცირე ერმა სწორედ თქვენი წინაპრებით და თქვენნაირი ადამიანებით შევძელით შეგვენარჩუნებინა დამოუკიდებლობა, თავისუფლება და სახელმწიფოებრიობა. დღეს ეს ტვირთი - იყო ურთულეს ვითარებაში და ურთულეს გარემოებებში, მაგრამ მაინც შეუნარჩუნო შენს სამშობლოს მომავალი და გააძლიერო ის, გადმოსულია თქვენზე", - განაცხადა საქართველოს პრეზიდენტმა.