,,ჭრელი აბანოები ,,ნაციონალების“ მმართველობის დროს ,,ექსკლუზიური“ ტარიფით სარგებლობდა“

,,ჭრელი აბანოები ,,ნაციონალების“ მმართველობის დროს ,,ექსკლუზიური“ ტარიფით სარგებლობდა“ - ლევან კალანდაძე

პოლიტიკა - 16:24, 24 Mar, 2016

1957

ეკონომიკის ექსპერტი ლევან კალანდაძე წყლის მოსაკრებლის გადახდასთან დაკავშირებით ჭრელი აბანოების თანამშრომლეთა პროტესტს გამოეხმაურა. კალანადაძე ამბობს, რომ აღნიშნული აბანოები ნაციონალური მოძრაობის ხელისუფლების პირობებში პროვილიეგირებულ მდგომარეობაში იმყოფებოდა და ე.წ. ,,ექსკლუზიუტი ტარიფით“ სარგებლობდა.

ექსპერტი აბანოების მესვეურთა პრიტესტსა დ აულტიმატუმს უადგილოს უწოდებს.

,,მათი ქმედება, პირველ რიგში, თავად ამ კომპანიებსა და იქ დასაქმებულ ადამიანებს დააზარალებს. მათთვის „განსაკუთრებული“ მოსაკრებელი წყლით სარგებლობისათვის არავის დაუწესებია. ეს არის სემეკ-ის მიერ დაწესებული ტარიფი, რომელიც ერთიანია აბსოლუტურად ყველასთვის და რაიმე „ექსკლუზივებსა“ და „უპირატესობებს“ არ ითვალისწინებს. ტარიფი სამართლიანია და ყველა კომპანია ერთნაირი ტარიფის იხადის. მესმის, რომ გადასახადისა და მოსაკრებლის გადახდა სასიამოვნო პროცედურა არ არის. მითუმეტეს ჭრელი აბანოები წარსულში, ნაციონალების მმართველობის პირობებში ე.წ. „ექსკლუზიური“ ტარიფით სარგებლობდნენ და ეხლა, როცა ტარიფი ყველასთვის გათანაბრებულია და „სატარიფო ოაზისები“ ხელისუფლებასთან დაახლოებული ბიზნესკომპანიებისათვის აღარ უნდა არსებობდეს, ცოტა რთულია მათთვის ახალ რეალობაზე გადართვა. მაგრამ კანონი კანონია და რაც მთავარია, კანონი თანაბარი უნდა იყოს ყველასთვის“ - განაცხადა ლევან კალანდაძემ.

ექსპერტი ამბობს, რომ მოქალაქეები უნდა მიეჩვიონ გადასახადებისა და მოსაკრებლების გადახდას.